Close
meme ketawa lucu jenaka bodor dono pisan komedi

(Bahasa Indonesia) Aday Jeung Kokom Bade Kopdar

Sorry, this entry is only available in Indonesian. For the sake of viewer convenience, the content is shown below in the alternative language. You may click the link to switch the active language.

URUT KABOGOH AMPROK DI PESBUK (Chatingan BBM) CARITANA REK KOPDAR.

Aday Jeung Kokom Bade Kopdar
  • ADAY : “Kom!.. Ieu uing geus dilembur maneh, pas jalan gede..beulah mana imah teh?”
  • KOKOM : “Anu aya gapura kang, akang lebet kinten-kinten 25 meter aya bumi gedong 3 tingkat, warna kayas, mobilna seueur”
  • ADAY : “Siap! Akang geus dihareupeunana. Ieu imah maneh teh Kokom?”

  • KOKOM : “Sanes akang! Tidinya akang mengkol ka kanan lebet gang kinten-kinten 10 meter, aya lapangan badminton. Tah gigireunana kang”
  • ADAY : “Eta imah maneh?”
  • KOKOM : “Eta mah bumina tukang urut. Tidinya mah akang kantun lempeng, pas ngalangkungan jambatan didinya katingal aya kios alit, seratanana ISI ULANG PULSA”
  • ADAY : “Owh, jadi imah Kokom teh anu jualan pulsa eta?”
  • KOKOM : “Eta mah namina konter atuh kang. Tidinya mah kantun ka kanan dugi ka kuburan. Tah payuneun kuburan aya bangunan kang”
  • ADAY ( keuheul) : “Jadi imah sia teh hareupeun kuburan Sarkommmm?”
  • KOKOM : “Aeh nya sanes atuh kang! Eta mah bumina kuncen, akang ulah lebet kadinya tapi mengkol deui ka kenca, mapay galengan pasawahan, engke oge bakal katingali aya kandang munding”
  • ADAY (ambek) : “Aaarggh..! Eta imah silaing?”
  • KOKOM : “Abdi mah sanes munding atuh ih!. Tidinya akang lurus we teras dugi ka sisi lembur”
  • ADAY (napsu) : “Eta gogobrog sia?!”
  • KOKOM :. “Memangna abdi teh monyet, si akang mah sok aya-aya wae? Torobos eta lembur teh kang, mapay jalan satapak dugi ka pendak sareng masjid alit, tah persis sabeulahna “
  • ADAY (ambek kacida) : “Sakali deui sia ngomong eta lain imah maneh. Dicacag siah mun panggih jeung uing! Ieu tuur geus asa coplok”
  • KOKOM : “Hehehe. sabar atuh kang, ulah emosian janten jalmi mah bilih enggal sepuh. Leres eta pisan rorompok abdi. Kumaha tos kapendak tacan kang?”
  • ADAY (rada bungah) : “Akang geus aya hareupeunana yeuh! Gusti! meni asa ringsek kieu awak. Pokona tanggung jawab mencetan akang nya? hehehe”
  • KOKOM : “Muhun sok langsung kalebet weh da aya Mamah abdi nuju nyalira”
  • ADAY : “Ari Kokom dimana?”
  • KOKOM : “Abdi nuju di ARAB.”

Silakan berikan komentar, pertanyaan, maupun sanggahan. InsyaAllah dibalas secepatnya.

© Just Shared on Tel-U | WordPress Theme: Annina Free by CrestaProject.